Асуулт асууж тусламж авах

[Almas]

Та ямар нэгэн тусламж авах бол энд асууж болно. Энд дарж сайтын тусламжийн хэсгийг уншиж танилцаад хэрэв таны асуултын хариулт байхгүй бол хариулах товчийг дарж доор асуултаа бичиж асууна уу.

Мөн та манай http://help.dusal.net сайтаас тусламж мэдээлэл авах боломжтой.

[Almas]

Би танайд ойролцоогоор 13$ орчим төлөөд авахад бэлэн загвар байдаг уу? Кино, дуу, зураг хуулж мэдээ оруулж, сурталчилгаа тавьж болох уу?

• Манайх сайтын энэ хэсгээрээ хостинг биш дан ганц домэйн хаяг худалддаг. Тэгэхээр таны домэйн авахдаа төлсөн төлбөрт бусад үйлчилгээний үнэ ороогүй, зөвхөн домэйн нэрний үнэ болно. Харин та домэйн нэрээ аваад үнэгүй, бэлэн загвар бүхий блогуудад холбож хэрэглэх боломжтой. Зөвхөн холболтын тал дээр л бид үнэгүй туслалцаа үзүүлэх боломжтой. Тэрнээс таны блог хөтлөх, загвар бүтээх, веб сайт ажиллуулах, хостинг тохируулахад бид туслах боломжгүй. Мөн та өөрийн тухайн хостинг, блогийн үйлчилгээ авч буй сайт, компанидаа хандах юм уу бусад төлбөртэй үйлчилгээнд хандах хэрэгтэй. Манай сайтын хувьд мөн веб сайт бүтээх, байрлуулах төлбөртэй үйлчилгээ явуулдаг.
• Монгол хэл дээр blogmn.net болон дэлхийд алдартай blogspot.com зэрэг домэйн нэр холбох боломжтой төлбөргүй блог сайтууд байдаг. Эдгээр нь бэлэн загвартай байдаг бас загварыг та өөрөө өөрчилж ашиглах өндөр боломжтой байдаг.
• Дээрх блог сайтуудад дуу, видео бичлэг, зураг оруулах боломж хязгаарлагдмал боловч байдаг. Мөн ихэнх энэ төрлийн сайтууд хууль бус програм хангамж, кино гээд зохиогчийн эрх зөрчсөн мэдээлэл байрлуулахыг хориглодог, варез төрлийн веб сайтуудыг хориглодог. Илэрсэн тохиолдолд тухайн блогийг хаах, устгах хүртэл арга хэмжээ авдаг. Tиймээс та тухайн сайтад бүртгүүлж байх үедээ үйлчилгээний нөхцлийг сайтар уншиж танилцаж, дагаж мөрдөж байх хэрэгтэй байдаг. Тэгээд тухайн сайтын нөхцөлд тохируулан үйл ажиллагаагаа явуулах боломжтой.
• Манайх болон бусад домэйн нэр олгогчдын зүгээс ч мөн варез, спам буюу зохиогчийн эрх зөрчих, халдлага хийх, спэм сурталчилгаа цацах болон бусад хууль бус үйлдлийг хориглодог. Одоогоор үйлчилгээний нөхцөл орчуулагдаж амжаагүй Англи хэл дээр байгаа боловч танд гэж сануулахад хууль бус үйл ажиллагаа явуулсан тохиолдолд та домэйн нэр болоод веб сайтаа алдах эрсдэлтэй байдаг. Хэдийгээр бидний хувьд олон олон домэйн веб сайтыг хянах боломжгүй ч энэ төрлийн гомдол, хуулийн байгууллагын шаардлага бидэнд ирсэн тохиолдолд хуулийн дагуу арга хэмжээг авдаг. Тиймээс хууль бус төрлийн сурталчилгаа байрлуулахыг хориглодог. Бусад тохиолдолд таны хостинг болон блог үйлчилгээ үзүүлэгч тань хориглоогүй л бол та бүх төрлийн сурталчилгааг сайтдаа байрлуулах нь чөлөөтэй байдаг.

[sad]

visagaar tuluh bol yadag yum be? zaaval belneer tuluh yostoi yumuu?

[Almas]

Дотоодын VISA юу? Одоогоор манайх visa-аар төлбөр хийх боломж хараахан байхгүй байгаа. Банкуудтай тодорхой гэрээ хийж байж, програм хангамжийн асуудлаа шийднэ гэхээр ирэх хавраас наашгүй байх аа. Уучлаарай. Хэрэв гадаад VISA карттай бол манайх арай үнэтэй. Илүү хямд гадаад домэйн зардаг сайтууд зөндөө байгаа.

Харин дотоод карттай бол манайхаас аваарай. Хэрэв Голомтын карттай бол ATM-аас шилжүүлэг хийх гэж байгаад манай данс руу мөнгөө шилжүүлж болно. Өөр банкны виза карт бол харин жаахан уддаг дэмий байдаг. Тэгснээс шууд ATM-аас мөнгөө аваад Голомтын аль нэг салбар дээр орлого хэлбэрээр хийчихэд нэг их цаг орохгүй шүү дээ.

[etvgen1]

Sub domainii talaar tailbar uguuch tanaihaas jisheen domain awlaa gehed tiim uilchilgee dagalddag yumuu ali eswel deer ni dahin tulbur tulj uur nemelt zuil suulgaj baij subdomaintai boloh uu? une mun ni hed baidiin bol?

2, 3 blotoi tegeed domainaa holbochih sanaatail ...
jisheen 1dehblog.miniiner.com, 2dehblog.miniiner.com, 3dehblog.miniiner.com gechihmeer baidag

[Almas]

Субдомэйн нэр үнэгүй. Бүгдийг нь DNS тохиргоогоор тохируулан ашиглах боломжтой. Ямар нэгэн нэмэлт үнэ байхгүй. Domain нэрний тоонд хязгаар байхгүй. subsubdomain.subdomain.domain.com гээд субдомайн үүсгээд ашигласан ч болно байх...

[etvgen1]

ok teguul gants domain tanaihaas awnaa

[Almas]

[Almas]

tanaih website hiideg uu? ene talaar uniin sanalaa yawuulaach.
domain ner awhad yamar unetei bolon busad medeelliig ugnu u

Манайх одоогоор вебийг 2 хэлбэрээр хийж байгаа.

1. Эхнийх нь манай өөрийн үйлчилгээ. Ямар нэгэн код танд өгөхгүй, манайх дээр веб сайтаа дизайнаа хийлгэн байрлуулж ашиглах боломж. Энэ нь илүү хялбар, бүрэн Монгол хэл дээр удирдлагатай байдаг. Одоогоор манайх дээр http://www.geotrass.com http://www.allergy.mn http://pathophysiology.allergy.mn зэрэг сайтуудыг манайхаар хийлгээд байрлан ажиллаж байгаа. http://www.standartmeat.mn зэрэг сайтууд мөн хийгдэж байна.
Дизайны хувьд анх хийлгэхэд хуудасны тоо, хэл, флаш ашиглах зэрэг байдлуудаас хамаараад үнээ тохиролцоно. 100$-оос дээш үнэтэй болно. Дизайны хувьд манайх одоогоор иймэрхүү хямд үнээр энгийн HTML, CSS, Javascript ашиглан жижиг хэмжээний флаш орсон дизайн хийж байгаа. Илүү өндөр шаардлага дизайнд тавих бол энэ тал дээр одоогоор жаахан дутагдалтай байгаа юм. Тиймээс дизайны хувьд дээрх хийсэн сайтуудыг маань хараад боломжтой гэж үзвэл манайхаар хийлгэж болно. Бас дизайнаа өөр газраар PSD, HTML хэлбэрээр хийлгээд манайд сайтаа байрлуулах ч боломжтой. Ингэвэл дизайныг хөрвүүлэх үнэ 30$ болно.

Байрлуулалт маань хэд хэдэн ангилалтай байгаа. Хүрэл буюу хамгийн хямд нь 100МБ файл хуулах зайтай, 2 хэлтэй сайт байрлуулах боломж. Энэ нь 58000₮/жил үнэтэй. Тэгээд үүнээс дээш байгаа. Компанийн танилцуулга сайт бол энэ хэмжээний зай бүрэн хангалттай байдаг. Дээрх бүх сайтуудын хувьд Хүрэл ангиллаар байрладаг.

2. Хостингийг манайх дээр байрлуулахгүй Joomla, drupal, wordpress зэрэг бэлэн нээлттэй эхийн програм ашиглан хийлгэх боломж бас бий. Энэ тохиолдолд дараа нь өөр тийш нүүлгэх шилжүүлэх давуу талтай ч танайх өөрсдийн веб мастертай байж байнга хяналт, шинэчлэлт хийх хэрэгтэй болдог. Эсвэл нэмэлт төлбөртэйгөөр манайхаар сайтын арчилгааг хийлгэж байж болно. Joomla нээлттэй эхийн програмын хувьд бүрэн Монгол хэл дээр орчуулагдсан, нэлээд дэлгэрэнгүй байдаг ба хамгаалалт харьцангуй султай гэгддэг. Drupal нь Монгол хэл дээр байхгүй боловч ил харагдах хэсгийг орчуулан хийж өгч болно. АНУ-ын цагаан ордны веб зэрэгт ашиглагддаг илүү хамгаалалт сайтай гэгддэг бэлэн програм байдаг. Энэ 2 системийн аль нэгээр хийлгэх бол хийх үнэ нь 100$. Нэмээд танайх өөрснөө хамгийн багадаа сарын 5$ веб хостинг авч сайтаа байрлуулна гэж үзвэл 60$/жил. Нийтдээ 160$ нэмэгдээд домэйны үнэ орно гэсэн үг. Гэхдээ мэдээж цаашдын бүх арчилгаагаа та нар өөрсдөө хариуцна. http://sss.num.edu.mn/socculanth сайтыг бид Joomla ашиглан хийсэн.

Тэгэхээр 1 буюу манай систем дээр байрлуулж хийлгэхийг санал болгох байна. Учир нь хамгаалалт илүү сайн, бүх арчилгаа, хөгжүүлэлт манайхаас тогтмол хийгдээд явна. Танайх зөвхөн мэдээгээ оруулаад, удирдаад явахад л болно. Хүсвэл тохиргоо удирдлагаа өөрснөө хийх, ямар нэгэн зүйл нэмүүлэх бол тухайн үед бага хэмжээний зүйл бол үнэгүйгээр, шаардлагатай бол тодорхой төлбөр тохироод нэмүүлж хийлгээд явах боломжтой.

Аль аль нь динамик, мэдээ оруулах, зургийн цомог, зочдын дэвтэр, холбоо барих форм зэрэг боломжуудтай хийгдэнэ.

Одоогоор бид бүрэн динамик кодыг нь бичиж үнэтэй сайт хийхгүй байгаа.

Домэйн нэрний хувьд http://domain.dusal.net хаягаар ороод нүүрэнд харагдаж байгаа үнэ дээр 10% НӨТ нэмэгдэнэ. Дээрх цэснээс Тусламж холбоосоор ороод дэлгэрэнгүй мэдээлэлтэй уншиж танилцаж болно. Ер нь бол .com домэйн нэр 1 жилд 11.75$+10%=12.93$ болж байгаа. 3-аас дээш жилээр төлбөрөө хийж авах юм уу нэг дор 3-аас дээш домэйн нэр авбал 9% хямдралтай авч болно.

[customer]

• Би майл forwarding хийгээд MSOutlook дээр тохируулсан чинь mymailname@gmail.com; on behalf of; Myname [mymailname@mydomain.com] гэж гараад байна яах уу? mymailname@gmail.com; on behalf of; гэсэн хэсгийг гардаггүй болгож болох болов уу?

[Almas]

Тэгвэл нэг мөсөн google apps-д бүртгүүлчих стандарт нь үнэгүй 50 хүртэл хэрэглэгч үүсгэж болдог. http://www.google.com/apps/intl/en/group/index.html хаягаар ороод домэйн нэрээ бүртгүүлээд тохируулдаг. Манай хэрэглэгч бол тохиргоог бид заагаад хийгээд өгч болно. Биш бол та өөрөө уншиж байгаад хийгээд үз. Асуух зүйл гарвал энд асууж болно.

[How to]

Xu'uey adminaa ucoz-n site-udtai domainoo yaaj xolbox ve tuslaach bi yor chadaxgui yum xurdan tusmaa sain baina

[Almas]

ucoz-той 2 янзаар холбож байсан. domain нэрээ бүүр ucoz руу шилжүүлэх нэг тохиргоо. Тэрийг нь хийж болохгүй шүү. Тэгвэл манайхаас бүүр домэйн шилжүүлчихнэ.
Нөгөөг нь би яг таг санахгүй байна л даа. Гэхдээ тайлбарлая.

1. ucoz удирдлагын хэсэг рүүгээ ороод тэнд байгаа ucoz сайтынхаа IP хаягийг авна. Тэр IP хаягаараа domain удирдлагын самбар дотроосоо DNS manage гэж ороод A-Name Record үүсгэнэ. (Тэгээд хэсэг хугацаанд хүлээх хэрэг болж магадгүй. 24-72цаг. Учир нь домэйн тохиргоо идэвхжихдээ ийм хугацаа зарцуулдаг. Урьд нь огт A-name тохиргоо хийж байгаагүй бол харин хурдан болчихдог талтай.)

2. Ингээд хэсэг хугацааны дараа дахин ucoz удирлагын самбар руугаа ороод домэйн нэрээ оруулахад хүлээж авдаг. Тэгэхгүй бол шууд оруулж болдоггүй. Эхлээд DNS тохиргоогоо зөв хийчихээд ucoz руугаа домэйнээ холбоход асуудалгүй болдог.

[How to]

Specified domain name resolves into incorrect IP address. (66.98.145.18) iim bichig garch ireed yor boloxgu bainaa yaax vee nadad tuslaach, xurdan xolbomoor baina

[Almas]

Дээр хэлсэн шүү дээ. Домэйн нэр чинь өөр DNS тохиргоотой байгаа болохоор болохгүй байгаа юм. Эхлээд DNS тохиргоогоо зөв болгоод хүлээх хэрэгтэй. Тэгэхгүй бол холбогдохгүй. Тэгээд DNS тохиргоо бүрэн идэвхжээд IP хаяг чинь солигдсон хойно зүгээр бүртгэгдэнэ.

[789456]

minii avsan domain maani www-tai bichiheer orku, www-gu bichiheer orood bhiin yaah ve